Oer SFBO
SFBO wol alle bern yn Fryslân de kâns biede har twatalich te ûntwikkeljen. Meartaligens befoarderet de talige, de sosjale en de yntellektuele ûntwikkeling fan bern. Ut ûndersiken op universiteiten oer de hiele wrâld docht bliken dat bern der baat by hawwe om har op jonge leeftyd mear as ien taal eigen te meitsjen. Wy advisearje pedagogysk meiwurkers en learkrêften fan de ûnderbou by it foarmjaan fan taalbelied en by it útfieren yn de praktyk. Persoanlik en saakkundich.

Bewust taalbelied
Jonge bern binne fan natuere taalgefoelich. Troch yn in meartalige omjouwing mei in bewust taalbelied te wurkjen, komt dy natuerlike taalgefoeligens goed ta syn rjocht. Yn situaasjes dêr’t sprake is fan in mearderheids- en in minderheidstaal is it wichtich om der benammen yn de pjutte- en beukerperioade foar te soargjen dat de minderheidstaal net ûndersnijd. Dêrneist is it fan belang in foar bern heldere struktuer oan te bringen yn it twatalige oanbod. Troch it taalbelied goed yn te rjochtsjen joust bern de kâns om harren boartsjendewei twa talen eigen te meitjen.  

Wurkwize
Wy geane by de lokaasjes del om te helpen by it kreëarjen fan in taalrike omjouwing foar de bern. Der wurdt konsekwint mei de talen omgien: yn it team meitsje de pm'ers of learkrêften ôfspraken oer hoe't de talen in fêst plak krije yn it oanbod. Alden wurde dêr fansels by belutsen. Der is ynformaasjemateriaal foar harren beskikber en we kinne in presintaasje op in âlderjûn hâlde.